د هندوکُش د غرونو باز، د سالنگونو زمری
خانِ خانان راشد! زموږ د سویو زړونو زمری

دی د پامير له لوړو څوکو په سفر د میوند
د کلابُست د دروازو، د سرو اورونو زمری

د استالیف پر ښکلاگانو د شینوارو ملنگ!!
او د بولدک د یاغي شوو تورو غرونو زمری

د ننگرهار د نامعلوم سرحد ساتونکی سرتېر
د خوشتپې* له اوبو جوړ دی د سازونو زمری

شکر چي خدای افغانستان ته راشد خان ورکړئ
شکر چي بلخ روزي نړۍ ته، د برمونو زمری

له مست نجرابه را روان دی د هلمند تر سینده!!
مينه په لپو کي ویشي د کونړونو زمری

د کرخ پر تکي شنې لمني پر سجدو پروت دی
او د ميرويس پر مسته مېنه په گایونو* زمری

د پېښور له بالاحصاره تر شالکوټه* پوري!!
د درست افغان استازولي کوي په وینو زمری

د سيدال خان لوڼو په خپلو هنرمندو گوتو
دسمال ور ولېږ، د روزگان د ښایستونو زمری

د زړه کابل، د مست پغمان او د پنجشیر زمرود
د عاشقانو، عارفانو د رازونو زمری

ماته زما د ټول وطن له وجود جوړ مسیحا
دی د پامير او د واخان د سردرونو زمری

د پکتيا د سلیمانخیلو خیالونو اتڼ چيان
له مزلونو ستړی نه دی، په مزلونو زمری

د نورستان، د سمنګان او د بامیان سترګور
راځئ!! په “درې رنگه” یې رنگ کړو په رنگونو زمری

خدایکه!! ته هیڅ یوه تشبې سازه کړې ده لپاره!!
نقیبه څه مه وایه! پوه دی په رمزونو زمری

*خوشتپې/قوشتپې.
*گایونو/خبرو.
*شالکوټ – کوټه/کوئټه.
١٩ می ٢٠٢٤/ کندهار/نیمه شپه.