بل مشالونه ماښامو کې ښکاري
که اننګي مې په تیارو کې ښکاري

هیچا ونه لیده دردونه زما
زما خپګان په اینو کې ښکاري

ته زما سترګو ته لږ ښه وګوره
ستا تصویرونه مې لېمو کې ښکاري

د ازادۍ حس مې مړ شوی بیخي
راته بندي ځان دیوالو کې ښکاري

په هره پاڼه کې دې توري دې نوم
نښې دې ډېرو کتابو کې ښکاري

دا کلیواله حجابو کې ښه ده
دا نجلۍ ښکلې په شالو کې ښکاري

اوس هم ملاله غزلونه لیکي
بل انګارونه، په ایرو کې ښکاري