د شوخ نظر، شوخو خبرو، شوخ وختونو ارمان
د شوخو شونډو، شوخ شراب، شوخو جامونو ارمان
مست پسرلي وو د ځواني، مسته مستي وه زموږ
شوخ مې و زړه، شوخ یې و زړه، د شوخو زړونو ارمان
ما به یې لار څارله دا به لکه ستوری خته
د شوخ ماښام، شوخ سترگک، شوخو ستونو ارمان
چې د پتنگ غوندې لمبو نه تاوېدم، نڅېدم
د شوخې شمعې، شوخ سیځل، شوخو اورونو ارمان
زمانې ورک کړو یو له بله شوخي داسې نه وه
د شوخ وطن، د شوخ دلبر، شوخ سلامونو ارمان
عبدالعزیز نایبي
ستاکلهم، سویدن