که له مېرڅه سره توده زموږ اړيکه ده

خو ستا شعرونو کې ژوندۍ زموږه کړيکه ده

۔۔۔۔۔۔۔۔۔۔۔۔۔۔۔۔۔۔۔

ستا په لېمو کې رغړېدلې دي زما اوښکې

او ستا له خولې وتې زما د زړګې څړيکه ده

۔۔۔۔۔۔۔۔۔۔۔۔۔۔۔۔۔۔۔۔

مسيحايي نظر دې ګرمه کړه جذبه د خوشحال

د پښتنو زړونو کې پاتې کله سيکه ده

۔۔۔۔۔۔۔۔۔۔۔۔۔۔۔۔۔۔۔۔

وکاره تا پرې د خپل خوږ نظر د مينې ګلاب

ډيورنډ څه دی، خو زموږ د وينو ليکه ده

۔۔۔۔۔۔۔۔۔۔۔۔۔۔۔۔۔۔۔

تا په هغه لاره کړ بل د خپلې وينې څراغ

چې پښتنو ګڼلې کومه لار تاريکه ده

۔۔۔۔۔۔۔۔۔۔۔۔۔۔۔۔۔۔۔۔

جرم مو دا دی، چې جلا له يو بل نه پايېږو

ګناه مو دا ده، چې زموږ وينه شريکه ده

۔۔۔۔۔۔۔۔۔۔۔۔۔۔۔۔۔۔۔۔۔

د ډيورنډ په کټارو زموږ خوږمن شاعره

وايي، چې ولې يې شکولې دغه ليکه ده

۔۔۔۔۔۔۔۔۔۔۔۔۔۔۔۔۔۔۔۔۔

نشو کړی مات ضرورتونو او نه ډار د دوښمن

ګېلمن څه دی؛ خو اجمله ملايکه ده