ته خبر يې اوازې درپسې کېږي!

ستا د خپل غږ انګازې درپسې کېږي

ستا ګيله دې پر ځای نه شي ګيله منه!

کنه خدايګو جنازې درپسې کېږي
خاموشي دې څه بلا وکړه لمرمخيه

په تياره کې دې رڼا وکړه لمرمخيه

له پلوه لپې لپې هيلې شيندي

مور مې بيا درته دعا وکړه لمرمخيه
مونږه ګرم يوو، ستا ګيلې ټولې پر ځای دي

ماښامونه اندېښنې ټولې پر ځای دي

خو لا شپه مخې ته هاغسې درنده ده

او پر لاره مو تيارې ټولې پر ځای دي
د وطن له هرې خوا غږونه ځغلي

شاوخوا مو څه بلا غږونه ځغلي

غږ راوکه زړونه بوټ درپسې وتي

ستا له وېرې په چوپتيا غږونه ځغلي
وړکيه! ته نو داسې نه شې تلای کوران دی

مخ راواړوه! د چا درپسې غږ دی

هم ملنګ د زمانې درپسې ګوري

هم د زړونو د باچا درپسې غږ دی
#ګيله_منه!

د سرطان ۲۰مه، ۱۴۰۳لمريز