د اکتوبر د یولسم په ارتباط
ټپیزه
نه سیم او زر غواړم له تانه
نه کوم لښکر غواړم له تانه
نه کوم ساغر غواړم له تانه
بس يو وزر غواړم له تانه
چې ځم خیبر ته د جانان دیدن کومه

ټپیزه
د ازادۍ د شور نغمې دي
د قافلو سره ډیوې دي
ځې د خیبر په لور جرگې دي
د تاریخ نوې حماسې دي
بیا د خوشحال بچیان د ننگ میدان ته ځینه
۰۹.۱۰.۲۰۲۴
ټپیزه
خيبره بیا د تورې وار دی
وخت د عمل او د تلوار دی
دښمن دې گوره چې بیمار دی
گودر ترې ورک خطا يې وار دی
گذار دې ورکړه چې لا دړې وړې شينه