تیاره وه چې کتل مې خپل تصویر په آینه کې

عـجـیبه ښـکاریدم پکې شبګیر په آینه ګې
زه داسې وخت مجبور کړم په دې تنګه دائیره چې

بس ورک شومه په لار د خپل مسـیر په آینه کې
یا زه یم خړ او پړ او یا غبار ورباندې ناست دی

یا ما کې څه تأثیر دی یا تأثیر په آئینه کې
راځه غاړه په غاړه زه به تا ګورم ته ما !!

قسمته لټوو به خپل تقدیر په آئینه کې
که مات یم خو یو څو ټوټې ټوټې دي راکې پاتې

راځه که ګورې خپل د خوب تعبیر په آئینه کې
زه تاته او ته ماته په کتو کې سره ورک و

دا نن مې څنګه ګورې دومره زیر په آئینه کې
آرین مې د غزل سره لیدو په ملنګۍ کې

ولاړ و پکې دنګ لکه پامیر په آینه کې