چیغې مې د زخم غوندې درد کا
ـــــــــــــــــــــــــــــــــــــــــــــــــــــ

نو چې ځې ، زما د کور دروازه هم راپسې کولپ کړه !
غواړم پَل دې زما کور کې
لکه پروت ناز ک ریدی په سپیره خاوره
د کوم چا ترپښو لاندې زخمي نشي

او په لاره یوه سیند ته قسم ورکړه
چې زما د کور کیلي د سمندر ناوې ته ورکړي

ته چې ځې نو
ددې خونې منتظرې ستړې ستړې هواګانې خپل پیکي پورې واوبه
ځکه زلفې په نڅاکې لکه څانګې د ګلابو د باد غیږ کې
نورې هم ښایسته کیږي
بِنَفشې دې تر اوبو هم تازه کیږي

*****
ته چې ځې نو دا زما د کټ تر څنګه
د سوسن ولاړ ګلدان لکه زما د کور شیشه ټوټې ټوټې کړه
چې د چا پرکمیسه د انځور شویو سرو ګلونو
خوشبويي پکې شنه نه شي
ته چې ځې نو ها زندان هم سره لمبه کړه
کوم چې تا زما د زړه پر ژوبله ځمکه آباد کړی
دا اسیرې چیغې اورې ؟
چې له درده یې وجود لکه زخمي ګوتې خوږیږي ؟
دا بندیانې مرغۍ غواړم په هوا شي
* * * * **
ښه چې ځې نو ،
فقط سترګې دې درپوه کړه ،
چې شیبه د مخه ښه کې
شاته
ماته
نه را ګوري