یاد چې په مخه د هغې واخیستې
شونډو مچکې له شیشې واخیستې

بیا به په چا خدای خبر مور بوروي
بیا خلکو لاس کې سپارې واخیستې

و ضرورت د قام قلم او کتاب
دې ساده ګل ترې معجزې واخیستې

حالات چې سم وو مونږ هم غلي ناست وو
توپان چې راغی مونږ ډیوې واخیستې

ګرم خو و د اذانونو بازار
څو لیونو پکې نغمې واخیستې

دوه ګوتې مخ دې و سور سپین شوی دلته
غمه له مونږه دې مزې واخیستې

امر و دا چې مخ ترې واړول شي
او ملاجان ظالم ترې خولې واخیستې