زه خو هغه پورنی نه یمه څه
چې زما پر مټو دې کابل گټولو
بیا دې پر ژبه زما ریشخند وهلو
نشه مې والوته او ویښ دې کړمه
چې چوکیدار شوم او تا عیش کولو
زه اوس قلم، کتاب دفتر غواړمه
سوا جگړو نه خپل مقر غواړمه
ځان مستقر غواړمه
له سر درو نه مې دلبر غواړمه
پـرون پـرمـا چـې و حـرام
هـغـه حلال غـواړمه
ځان ته اقبال غواړمه
هم مې حساب غواړمه
خپل انـتـخـاب غـواړمـه
ربـاب، سیتار غـواړمـه
فـرهـنـگ تـه کار غـواړمـه
خپله دیره، خپله حجره غواړمه
د تاک نـه لاندې مې نشه غـواړمـه
نشه د پیازو د شړمبو او د اینځرو نشه
د چنار لاندې په گودر کې د زمزمو نشه
نه د قصرو، نه د مرگو نه د سرو زرو نشه

دنمارک ـ د وایلې ښار