ډک جــام زلانــد ستــورو رانـسـکور کـړلـو
سپينې سپوږمـۍ خپل مـخ پـر بل لـور کړلـو

غرونو زړه کې تیګې سرې او شنې شولې
غم چـې انـسانـانـو پـر ځـان خـپـور کـړلــو

زړونـو کـې د کـرکې پـنځـيدل ډيـر شـول
سرو غاټولو سـور رنګ سره شـور کـړلو

مـسـت بـورا د ګلــو ستـايـل پـريـښــودل
دښـتـو کې لاله پر زړه داغ جـوړ کـړلـو

بيـا لالـه ويـل چـې پـر بـيــديـا ښــه يـــم
بې مينې ژوندون خـو سوی سکور کړلو

پـوهــې د هستۍ بنـسـت خـړوب نـه کــړ
ډيـرو عـالـمـانــو زړه يـې تــور کــړلـــو

ژونــد درومـي پر مخ له محـبـت کـنـګال
خوږ حال يې په سترګو کې بيتکور کړلو

ميــنــه مــرغـلـره بــه تــر لاسـه کــړې
خپل سپـيڅلې زړه که يې حال نـور کړلو