څه توره شپه ده چې پر موږ را خوره شوې ده نن
ســپيــنه رڼــا بـه شــم سبــا ستــرګــه بــه وزلـــوم

مـا مـې د ژوند په کرونـده کې سـر ګلان کرلـي
لـوګــرو ډلــه بـه تــر درمـنـد پـورې ورســـوم

د وطن پيغلې مې سالو خـپل پـر پامـير خوروي
د غرونـو لوړې تـاتـرې بــه پـه غـږ ولــړزوم

د ټيک زلا خو مې تر اووم اسمانه پورته رسي
عطرین لـونګو کې بـه ټـول چـاپيريال ولـمبــوم

لا د ويـده ذهـن مـالک بـه پـه تـيـارو کې اوسـي
زه به مې لوړ خيال د نړۍ هر ګوټ ته وزغلوم

چې مې دا سر خپل کعبې ته په سجده کې کـيـږدم
مظلومو پيغلو لوي ارمان بـه رب(ج) ته ورســوم

تا پـيـلامه د خـپـل کلام چې پـه لوسـتـلو وکــړه
پر مـوږ د جـبـر د نـادودو حــال بـه ونــولـــوم