ورکې لارې
د ماښام تیارې لا هم پر موږ ولاړې
په سیده لار کې روان یوو موږ په شاړې
د سهار سپیه رڼا تري تم شوې
د بیدار ذهن لټون ته ورکې لارې
بې خودي
د ژوند په شین اسمان کې مو د ستورو جدایې ده
دانه دانه رالویږې ستړی ذهن سودایې ده
خوره وره لمن د مینې تشه ګرځوو موږ
د خیال کوترې مړې دي څه عجیبه بې خودې ده
ښوونځي مه تړئ
د ښوونځي دروازې مه تړئ، ازار لري
تیاره خوریـږي، ویره زېـږي، جهل ډار لري
نړۍ په علم اسمان ځمکه باندې لارې باسي
اوبه بهیـږې په دریاب کې ښکته لار لري
‎اراده ټينګه ساتو
اراده ټـيـنګه ده، پـر کـنـډو کـپـر لار بوو روان
‎لـه ګـړنګـونـو به شـو تـیر، شـي به اواره روان
‎د روښنايې په لورې هـڅو کې ګړندي يوو موږه
‎له څاه نه پورته به شو تل يوو موږ سرشاره روان