لاره سخته ټکـنۍ ده پسې ځـغــلـو
د ښکاري چارې نور نه دي د زغملو
لا د ژونـد مـېنه مو هسې کنډواله ده
خوږ ګوګل کې مو زړه نه دی د کتلو
د پامیر پر څوکه شین اسمان په لور یوو
څـوارلسـمې سپـوږمۍ ځـل تـه د ورتـللو
د تدبـیر لـرونکي مـشر پـه لـور یون کې
د تـور ذهـنـو پـه لاسـو کې ښکیلـیدلو
د مـلالـې پـه ټـپـه باندې خمار وو
د کــونـړ ســین تـر اټـک وبـهـیـدلو
رابعه په رانجو ستـرګې توروي بـيا
فتـح خـان د بـري بـرج ته وخــتـلو
غجرۍ سپینه د غاړې غاړکۍ شوه
د کابــل پـیـغــلو تـنـدی و ځلـیـدلـو
زلمي پیغلې د تعلیم په لوي غورځنک دي
دوکــه مـار مـلا بـنـسټ ولــړزیــدلـــو