پرمختللې نړۍ ګوره
دلته ټولو انسانانو
چټک کړی پرمختګ دی
دوي په ډیر ویاړ دبدبه دي
کاینات یې لاندې کړي
په ګوګل کې یې
احساس را قابو کړی
خپل تود زړه یې
له عشق، مینې نه سوړ کړی
انسانانو نږدیوالي
سره یې کړې مخه ښه ده
د هستۍ په سټولو
کې لاس دی لا کوټلی
محبت نښې یې
په سترګو کې سوزلې
دوي د وینو یهولو
په سیالۍ کې دي روان
انسانې حس یې دی
شاته غورځولی
د خپل ځواک بشپړولو
کې غوښتنې لا زیاتیږې
او د پوهې لوړولو
کې هڅې مخکې درومې
خو د مینې او زړه سوي
احساس تللی دی ترې لرې
د انسان ژوند دی
ارزښت ورته بایللی
د وژلو بربادۍ
وسایلو رغولو دي لاس بري
له بنده سره
د مینې لورینې
حس یې زړه نه کډه شوی
احساسات یې سوکړه شوي
په کې ټول دي ویده شوی
لوړ ضمیر ولې ټيټ شوی؟
لوړ ضمیر ولې ټيټ شوی؟