څه خوږه شان ولوله شې
او پر زړه مې راخپره شې
پورته باز وي یا شاهین وي
پر ګوګل نرمه څپه شې
چې را وامې وړې نظر کې
نړۍ ګرده ښایسته شې
غم جارو مې شي له ذهن
ستا خوږ یاد هره شیبه شې
لولکۍ دنیا کړم څنګ ته
مست سیندونه دې اینه شې
دا خپل غرونه دې پالینه
بریدګر ماته پښه شې
چې تلک دا ستا پر لار ږدې
د یو، موردار پیاله چپه شې
ژوند مو ټول په کې راټول دی
پړق وهي، راڼه لیمه شې
تیارې تېښته کوي درومې
د سهار وږمه خپره شې
ستا وږمې چې سیلۍ راوړې
هسک لمنه سپینه سره شې
ته زموږ د ژوند ښکلا یې
ښایستونه مو پوره شې
سره غاټول سپیره بیدیا کې
شي ځلاند د شپې ډیوه شې
ږموږ خاورې جادوګرې
هر زړه تاته په ستنه شې
نوی ژوند په پیلامه دی
د یووالي تلوسه شې