زه د سرو زرو تعویزونه جوړوم په کاغذ

که ستا د غاړې زنځیرونه جوړوم په کاغذ
د جدائي شپه ده د ځان د غولولو په نیت

سرۀ په نکریزو ستا لاسونه جوړوم په

کاغذ
د ژوندانۀ د مرور منظر عکاس یم که نه ؟

بیا دې خفه خفه عکسونه جوړوم په کاغذ
شاید د ستړي عمر یاد تازه کومه یو ځل

ستړي ستومانه ماښامونه جوړوم په کاغذ
ستا په سرو شونډو شنه مسکا انځورومه جینۍ!

په سپین رخسار دې شنه خالونه جوړوم په کاغذ
چې رابرسېره په انځور کې تنهائي شي زما

په ځان چاپېره دېوالونه جوړوم په کاغذ
د تاریکو تورو لوګیو وېرولی یمه

بلې ډیوې او څراغونه جوړوم په کاغذ
منګي ، انجونې او ایازه ! د دوئ سپینې لېڅې

ګودر ، اوبه او چینارونه جوړوم په کاغذ
محمود ایاز کویټه جنوبي پښتونخوا