زما بدن څه د روزگار
څه د جگړې
او د وطن ویر وخوړ
څه چې راپاتې وو
بلا د ښکلي‌بوټي یووړ
*****
د یوه نوي ژوند په تمه لاس ترزنې ناست وم
چې تورپنجاب راته هرڅه وسېځل
زما ډېر ښه په یاد دي
چې لاس مې سپین او غنم‌رنگ غوندې و
او له همدې لاس به بابا نیولم
د غرولمنو او بڼو کې یې چکر راکاوه
خو اوس حالات داسې شول
چې تورپنجاب هرڅه راوسېځل
او لاس یې سوی‌سکور کړ راته
*****
زما له رنځور وجود نه
دا سوی لاس پاتې دی
دا مې ساتلی هېوادوالو ته یادگار پاتې شي

۱۷/۰۳/۲۰۲۶
هیدرسلیف
ډنمارک