خدایه (ج) راوله یاران زما پر خاورې

خدایه (ج) راوله یاران زما پر خاورې
را شېوه کړه دور مرجان زما پر خاورې

د انسان سپيڅلی زړه بیرته بیدار کړه
مست راشنه کړه ارغوان زما پر خاورې

پټې سترګې چې د بل پر لارو ورک دي
ترې ستانه کړه مینان زما بر خاورې

د بدن غړي په لوي لاس راته پرې کړل
کړه برباد داړه ماران زما پر خاورې

افغانان موږه یو لاس یوو بې توکمه
خاورې ټول کړه توکمیان زما پر خاورې

چې د خپل وطنوال سپکه بل ته وایې
ړانده ته کړه بیتکوران زما پر خاورې

د احمد ابدالي پت او برم ژوندی کړه
کړه را پورته شاه امان زما پر خاورې

پاکه ربه تاته دا زما زاري ده
کړه یو لاس ته شاه زلمیان زما پر خاورې

۱- بیتکور، چې سم لیدلی نه شي.