‎له یو ځای وروسته
‎راتلونکي کې
‎نور ستا د شتون اړتیا
نه لېدل کېده
‎سهارونه
‎بې له دې چې څوک څه ووایي
‎له پخوا لا سوړ پیل کېدل
‎او شپه
‎د کټ پر تش لور
‎ورو ورو راټولېدله
‎ستا نوم لا هم
‎زما په خوله
‎تریخ خوند درلود
‎خو زړه
‎ښه پوهېده
‎چې ځینې نشتونونه
‎دومره ارام راځي
‎چې لومړۍ یې چوپتیا
‎احساس کړي
‎بیا انسان
‎زه هره شپه
‎ستا پر تش ځای لاس ږدم
‎نه د ستنېدو لپاره
‎یوازې د دې لپاره چې ډاډه شم
‎ یوه ورځ دلته
‎یو زړه زما د زړه تر څنګ
‎ټکېده
‎