لا هم ستا ځلاندې سترګې

لا هم زما ژړاندې هیلې

لا هم ستا خواږه یادونه

لا هم څومره له ما لرې
اننګي دې سره ګیلاس وو

لا هماغسې رنګه دي؟

لا دې زلفې څانګې، څانګې

ترې راځي بوی د سینځلې؟

لا دې مینه زوروره

لا مې زړه او خوله کې ته یې

ها به څنګه ننداره وي

چې بیا ووینو اغلې

ستا خندا وې د لمر وړانګې

لا څه زیری د سبا شته؟

څه یخ سیوری د تیارو دی

چې خور شوی زما په کلي
لا شرنګا د زولنو دی

لا د هوډ مټې پیاوړې

د تقدیر سپاهیان حیران دي

لا زندان کې زموږ خبرې
لا دې ورکې لارې څارم

لېونتوب نه مرګ په تېښته

لا مې ژوبله اروا تا پسې

په اسمان او مځکه ځغلي
ستاکلهم، سویدن