د وطـــــــــــن د کوڅــو فکــر راســره دی
او د خپلـــــــــــــې پښـتو فکـر راسـره دی

د ځــــــــوانۍ پـه تېرېدلـو پوهـه نـه شـوم
سـتا د ســـــــترګو د سـرو فکر راسـره دی

د دې قـام پـه ژونـد بـه کلــــــــه رڼا راشـي
د دې خوشـې میــــــــــرو فکـر راسـره دی

پـه زړګـي کې راته خښــــې پنجې نه کړي
سـتا د نېغـــــــــــــــو بڼـو فکـر راسـره دی

کاملـې ځکـه خــو هېر رانه خپـل ځان دی
د کابل د سلـــــــــــــــــګو فکر راسـره دی

شاعره:کامــله طــاهـــر