دابي لاری انسانان به کله سم سي
پلورل سوي افغانان به کله سم سی



(۱) نه حق وينی نه يې اوری نه یې وایې
داړانده کاڼه ګونګیان به کله سم سي



(۲)چي يوکاريې له ګفتارسره سم نه دئ
داملايان اوداپیران به کله سم سی



(۳)هرهنريې له عقبي څخه غافل دئ
داجاهل هنرمندان به کله سم سي



(۴)دخالق اومخلوق دواړو بدخواهان دي
دانااهله حاکمان به کله سم سي



(۵)هيڅ يوکار داهلِ کار په لاس کښي نسته
دابيشماره نااهلان به کله سم سي



(۶) انساني زړونه همه واړه منسوخ دي
دامنسوخه مردمان به کله سم سي



ټول فکرونه منحرف دي ابـوالفضله
داکاږه فکرمندان به کله سم سي