حمد







هغه دی خالق زمونږ چي نوم يې موږ الله ګڼو







ځای د اوسيدو، ده لره عرش معلا ګڼو







نشته چي شريک دده په ذات او هم صفاتو کښي







ټکي د عظمت ده لره ځکه بې پروا ګڼو







نشته هيڅ نقصان او خرابي په هيڅ صفت کښي يې



ځګه يې بې عيبه بې نقصانه مصفا ګڼو







نشته څوک تري وچت په هيڅ نوم او هيڅ نښان سره







ځکه يي خالق د انس و جنس او د دنيا ګڼو







نشته چي قاضي تري ښه عادل په کل جهان خلکه







ځکه يي قاضي مونږ د دنيا او د عقبا ګڼو







لولي چي د زړه احوال او پوه دي په رازونو کښي







ځکه يو صفت کښي يې دا لوی قدرت بينا ګڼو







ده چي په ذبيح او نورو عبادو باندي فضل کړ







ځکه يي زړه سوانده مهربانه ښه پاچا ګڼو







هغه دی خالق زمونږ چي نوم يې موږ الله ګڼو







ځای د اوسيدو ، ده لره عرش معلا ګڼو