دې ملت ته مي خاطر ځکه پرېشان دی



چي حيرت ته مي تر اوسه لا حيران
دی







ممتاز کړی ويښ احساس دی له حيوان نه


هسي وايي چي په نطق سړی ا نسان دی







دمومن د زړه په عرش کي خدای اوسېږي



که هر څو ازاد له قيد نه د مکان دی







څه علاج به کړم دداسي ټپي زړه زه



چي موندلی يې په څړيکو کي درمان دی







هر سکون يې ژبغړاند لکه بلبل دی



هر انداز يې د انځور غوندي ګويان دی







ستا د ياد
دباران څاڅکي پرې اوريږي
چي ګوهر مي په صدف کي دچشمان دی







ښکلي مخ ته په کتو ( حسن ) عادت شو



پرېښودل د کوم عادت کله اسان دی



د بېنوا ويبپاڼي له خپروشويو توکو د
کاپي کولو او بياخپرېدلو څخه ډډه وکړﺉ