زما ماحول ددردونو ډك دي
زما شعرو كي به دردونه لولي
زما تنكي ماشوم د لوږي ژاړي
بس دي قطرو كي دريابونه لولي

دلته غوټي د
غوړيدو پر هيز دي
دلته په شونډو كي مسكا وژلي
دلته د اوښكو طوفانونه جاري
دلته يي دم
يندو تمنا وژلي

دلته لا اوس هم زما د وينو تږي
بس زمونږ د وينو څخه رنګ اخلي
دلته ددي وطن مكار دښمنان
زمونږ په مرګونو ځانته ژوند اخلي

دلته ښكلا بس په ځواني كي وژني

دلته ګلونه په غوټي كي وژني
دلته د علم او فرهنګ دښمنان
رښتيا ويل بس په مري كي وژني


له مانه مه غواړه عشقي سندره
د ښكلو پيغلو تور پيكي سندره
له مانه مه غواړه د حورو
صفت
دتور اوربل او سره باړخو سندره

زما ماحول ددردونو ډك دي
زما شعرو كي به دردونه
لولي
زما تنكي ماشوم د لوږي ژاړي
بس دي قطرو كي دريابونه لولي