له ځان سره دې
یووړې هغه شپې له شوره ډکې



اوس نشته دخوندونو شوگیرې له شوره ډکې



چې نه اوري له ورایه ستا خوږې خوږې
سندرې



گودر کې پیغلو ماتې کړې چمبې له شوره ډکې



دښکلو ښکلو ډلې دې له ځان سره خورې کړې



بدرنگو ته
دې پریښي زمانې له شوره ډکې



"شاداب"او"شرر" گونگي ژبي ناست وي په محفل



"غروال"او "ټکر" نه کوي کیسې له شوره ډکې



فرهاده یاره دا غلې دنیا راته زندان دی



دخدای لپاره بیا راوړه شیبې له شوره ډکې



زما
"نظامي" یاره لا هم هغسې فرهاد یم



رپیږي مې مزار باندې جنډې له شوره ډکې