دامې شرر ددوزخي لمبو په خوب کې ولید



که سورواله مې د سرو شونډو پیغلتوب کې ولید



ښکلي خو ډیر دي غره نشې پرې دنیا ډکه ده



ستا مې اثر د تورو سترګو مړاویتوب کې ولید



ستا دریا په عبادت کې مې ټول عمر تیر شو



شیخه دژوند سرور مې ټول په مینتوب کې ولید



فلکه ما خو رژیدل د ګلو نه وه په بهار لیدلې



صرف خزان مې د افغان په زلمېتوب کې ولید



ما خو د شیخ په امر مات کړل د سا قې جامونه



شیخ نن خمار دی ما خپل ځان یوازیتوب کې ولید



نن چې مستان او شیخان داوړه پیمانې اړوي



ځکه ارمان مې د پرون په یا غیتوب کې ولید



بیا یې سر واخیست د مخکښ قلم غزل غزل شو



چې خپل جانان یې په جامه د کوچیتوب کې ولید











ډاکټر ثواب الدین مخکښ