دزړګي دښته مي نن ستا ديا دباران غواړي
يتيمي اوښكي مسافري دي كاروان غواړي
داچي مو ولي مازديګر پيكه پيكه ښكاريږي
دخيال پيفلوتي مروره ده پيزوان غواړي
دماشومتوب خوبه راڅه چي لږ مي ونازوي
نن ستړي خوب دمود دغيږي جان قربان غواړي
چي په پسته ژبه يي تل للو للو ويلي
هغه كمبحته خپل ريښي ريښي ګريوان غواړي
خداپه وزر دهمت وركړي چي در ورسيږي
دابوري بوري دعاګاني مي آسمان غواړي
شفق به وحيژي بيګاه زليخا خوب ليدلي
ځكه سوسف لپاره سختي دزندان غواړي
ستا تخيل مشكوره لمر او سپوږمئ كله مني
دفكر ستوري دي ځانګري كهكشان غواړي