بلبلان ئې په رنګونو جامې مینځي
په شبنم ئې دخولو ترانې مینځي
بس ده پورته شه له خوبه سپین سهر شو
لمر راوخوت ستا په نور پلوشې مینځي
نن ئې بیا لکه ګلپاڼې شوڼډي رپي
بیا په کومو اداګانو پلمې مینځي
غنچه وا دې کړه دمخ چې نګهت خور شي
زما دمیني پسرلی پرې وږمې مینځي
که شراب ئې ستا د شوڼډوپه نصیب شو
شیخ به ټوله شپه پرې کړي توبې مینځي
مونږ به هسک سرونه وړوکه دارته رسي
دوی دې بیا له خپل تندي نه سجدې مینځي
چې خوله ئې دحیا په رخسار راغله
ما ویل شمع ده په اوښکو لمبې مینځي
دلیمو کچکول ور ډک له پلوشو کړه
د(حسن) تیاره نظر پرې تیارې مینځي