ډوب په تصور کی د اشنا یمه
لاس په زنه ناست چه ترسبا یمه



مه څیړی دردونه زما مه څیړی
پریږدی چه اخته په خپل سودا یمه



ما د لیونو په کلی ورولی
زه هم لیونی د خپل لیلا یمه



سرمی دمنصورغوندی په دارښه وه
نه چه د خپل یار ځینی جدا یمه



نکړی د ذاهد جادو اثر په ما
زه خوار ازلی ډوب له ګناه یمه



اچوم کچکول بیا دبهلول څنګ ته
ځم د خپل اشنا د در ګدا یمه



ژوند ما افغانی په غم کی تیر کړلو
زړه می شو پلی په خوله خندا یمه