زما له سياست سره نه لګيږي
ډيرترې ستړی يمه
خو څه وکړم
کارمې
سياسي دی
بياهم ورسره ګوزاره کومه
پرون راته ديو وزارت وياند ويل:
((مونږ دروغ وايواوتاسو هم دروغ خپروئ))



بيامې هم مخې ته يو سياسي خبر پروت دی



هلته په مخامخ ټلويزون کې
يو سندرغاړی
په سوز اوساز

يوه سندره د زړه له اخلاصه وايي
پکې خوشال ښکاري
لکه چې دروغ يې هيڅ نه وي زده
لکه چې په سياست نه
پوهيږي



جمعه د1387لمريزکال دمرغومي 4مه
وزيرمحمد اکبرخان مينه-لمرټلويزون