نیزار



عبدالغفور لیوال



هر کال چې پسرلی شي له کیږدیو سره راشي
یو
څوک مو شینکي کلي ته شپیلیو سره راشي
رمه درې ته بیایم د ځنګله لار ورته نیسم
د غرونو مسته لور
ګوندې څيړیو سره راشي
یو چا په تورو سترګو کې د پړانګ خوی دی پټ کړی
د زړه ښکار ته مې غلي له هوسیو سره راشي
راغلې بنګړیوانې خوشه چینه لاری څاري
چې خوا ته یې لوګري له ستریو سره راشي
د سترګو زخم ساتمه د اوښکو
په نیزار کې
کیدای شي چې تصویر دې د هیلو سره راشي
توپان توپان وطن ته مو یو نوح د ثواب نه شته
چې دومره
ګنهکارو ته بیړیو سره راشي