یو ځل خو دسپین مخ کړه راڅرګندلکه ایینه
ښکلا ته دې یم یاره ارزومند لکه ایینه



انځور دهر انداز دې زنګوي په تناونو
الفت مې تصور کړو هنرمندلکه ایینه



له سره منګي يې تاودي پلوشې لکه تر لمر
پړکیږي پرې له ورایه يې مړوندلکه ایینه



باور يې په جوهر دخپل شخصیت چې شي پیدا
شفاف او بې ریا يې شي ټول ژوند لکه ایینه



ځلا دتخیل مې که دشعر خوره وره ده
نغښتلی مې هم ډیر دی پکې پند لکه ایینه



ټوټې ټوټې زړګوټی به کوشیر نه کړې ټول عمر
هرڅو يې که (حسنه) کړې پیوند لکه ایینه