د وطن په پرهرونو می زړه سوځی
پدی خوارو ځنګلونو می زړه سوځی



وران ویجاړ کړی راته بدو غلیمانو
پدی تشو بازارونو می زړه سوځی



در پدر خاوری په سر شوی ای وطنه
ستا پدی وچو باغونو می زړه سوځی



چا کړی وران چا دی بچیان درځنی واحست
ستا په کنډو یتیمانو می زړه سوځی



چی نظر می په حالاتو د وطن کړم
پدی خوارو غریبانو می زړه سوځی



ستا معارف شولو ویران بس نه جوړیږی
پدی بی علمه ځوانانو می زړه سوځی



زه میرویس خو ستا غمونو لیونی کړم
پدی لراوبروافغانانو می زړه سوځی