اشنا تۀ که اشنا نۀ شوې، زما تقدير خلکو ليدلی
چې خوب زما د مړينې ويني، تور کجير خلکو ليدلی
د نکريزو حاجت نه شته، زما د زړۀ وينې حاضر دي
ستا هغه يوه مسکا وه، زما شوګير خلکو ليدلی
په زړۀ ښخ لکه خنجر شي، ستا باڼۀ دي قاتلانې
زما مظلوم زړۀ خلکو وليد، ستا نظير خلکو ليدلی
داچې يو ، په بل يې پلوري ديوسف غوندې بې بيې
ستا پتنګ ،بلبل ،جانان، ستا اسير خلکو ليدلی
پرون جوړې ډنډورې وې ،چې تۀ ما باندې شيدا يې
ستا په سترګو کې محبوبې، زما تصوير خلکوليدلی
د پوښتنې څوک يې نه شته، د جاوېد پوښتنۀ وکړه
د بې ځالې مارغۀ غوندې، ګډ په وير خلکو ليدلی