زما په لروبرنړۍ كې پښتانه خوښيږي
غيرتي خلك مې په خوى درانه درانه خوښيږي



كه څومره ښكلى لباس واغوندي ښايسته وګړځي
چې اصليت په چاكې نه وي دچانه خوښيږي



چې شنه ديره كې شين منګى وي شنه كنډوله سره
دپښتنومې په ديروكې ميلمانه خوښيږي



چې دشپيلۍ اوازيې واوري دګودريونجونې
زما دوطن دغرولمنوكې شپانه خوښيږي



چارته وويل چې ولې داپوښتنه يې وكړه
ښكلي خوډيردي غنمرنګه دې په څه خوښيږي ؟



څوك به ديار سره اننګي اوڅوك به څه خوښوي
زما په حسن كې ديار كاږه باڼه خوښيږي



چې دخوږ يارخبره يوسي تراغياره پورې
دواحديار داسې ياران په غوږ كاڼه خوښيږي