ښځه نــــه وي رڼا نــــــــــــــۀ شته توره شپه ده پۀ کالۀ کې
دژوندون پــــه کږلېچو کې راسره ده پـــــــــــــــــه کالۀ کې



غېر لۀ ښځې سړی نـــــــۀ شته يوه ښه ښځه مېړۀ تاج دی
چې ښۀ خوی باندې سينګار وي ښا يسته ده په کالۀ کې



ښۀ خوی زړونه ځانته کاږي پــــــه ښايست سترګې غوليږي
چې ښۀ خوی ځانته ګاڼه کـړي فريښته ده پــــــــه کالۀ کې



ښځه موره، ښځه خــــــــــــــــــورده ښځه ننګ دژوندانـۀ ده
ښځه زموږ د ژوند فضا کې يـوه ډيوه ده پـــــــــــــــه کالۀ کې



ښځينوو ، نــــــــارينوو سره جـــــــــــــــــوړ دژوند کاروان دی
لۀ يوۀ بل غېر ژوندون نــــــــۀ شي شمه مړه ده په کالۀ کې



د مکې خــــــــــــاوره که ښکل کړې جنت چېرې دی جاوېده
مور قدم خاورې جنت،ستا ،ستامکه ده پـــــــــــــــه کاله کې