سعيد لودين
لوړ هغه څوک دﺉ چي قدم يې پر قدر ايښی وي
نې زخمي کړي د چا ګــوتي نې پر سر ايښی وي



زړونه که سخت سوه خو يو راز يې دﺉ په دغه ځای کي
چــا په سينو کي ايښي کاڼي ‍ چا ګـــوهر ايښی وي



داسي بدبخـــته قــــام تــر اوسه مــــا ليدلی نه وو
چي بل ته ګټي ږدي خو ځان ته يې ضرر ايښی وي



دا چي و ما ته وي خواږه ټوله په خوند کي خواږه
هغو کې ستا د خوږو شونډو لږ اسر ايښی وي



بېشــــکه بـــــــرخه ازلي ده د سعيــــد په برخه
کله يې هيڅ پر اوږو نه وي ګای يې غر ايښی وي



۷/ مارچ /۲۰۱۰
ورجنيا – امريکا