ملامته ازاد ګرځي
بیګناه زوړند په دار دی



څوک هم غږ کولی نشي
بې پوښتنې غوندې ښار دی



په خپل کور کې میلمانه یو
نن میلمه د کور واکدار دی



که دې نوم د حق اوچت کړل
جوړ په خونه دې بمبار دی



هر چا خم سر دی نیولی
څوک ویده دی څوک بیدار دی

یهودان ښه په مستۍ دي
کړی یې بیا په مونږ ګذار دی



ورته ځان مو تسلیم کړی
لوۍ الله زمونږ بیزار دی



هیڅ تحلیل کولی نشو
دا د چا د اه ازار دی



هادی غږ په خلکو وکړه
قربانۍ ته څوک تیار دی