د شنه کمیس مېرمنه چا لیدلې



چې یې زېرمه د هارون وه راشکولې



د شنه کمیس مېرمن وړه نجلۍ ده



ناځوانې لوږې وه ښه ژېړه زبېښلې



له دېواله سره ناسته ګنج په غېږه



د هارون په شتو یې شپه وه اړولې



ما وېل اې د ګنج مېرمنې وړې سترګې!



څه دې دي راوړي په خوله غلې



حسادت مې نَفس څپې څپې درکاږي



ته وا شتو د دې نړۍ کې لمبدېلې



د سترګو دغه برق دې یو څه وایي



د دنیا ګنجونه تا په غېږ نیولي



په وړه ژپه ګفتار یې د مرغۍ کا



وایي دا څلور ډوډۍ یې راوبخښلي



هغه کس چې پدې لاره یې وه لاره



د خدای دوست او پريښته راغله په تلې



څوک حیران شي د ډودۍ دغه اثر ته



چې افغانه نجلۍ دومره پرې ویاړلې



قناعت د چا ډوډۍ د چا فساد دی



دنیاګۍ کې ښه او بد چا دي تللي؟



۰۶-۲۰-۲۰۱۰