ځوانان دکلی دگـــــــــودر ډیر زیارتـــــــــــــونه کـــــــوی
څوک په شپیلی څوک په آواز دا فــــــریادونه کــــــوی



څوک شکایت څوک حکایت کړی دهــــجران له درده
دچا گل څانگه خـــــــپل لالی باندی نازونه کــــــــــوی



څوک گودر ستایی څوک نفرت له دی گــودره لـــری
څوک په خـــندا څــــوک په ژړا دزړه رازونه کـــــــوی



څوک مازدیگر خوښوی څوک سـره غـرمه کی روان
څوک ځی کوډگروپسی څــــوک تاویــــــــزونه کوی



څوک دخولگی په تمه څوک سپــــین مړوند یادوی
څوک دجانان له غمه دغم ســـــــــــــــــــــــــازونه کوی



لاروی دی غــــــــــــــــمشریک ددی ځوانانو غـم کی
ددی یارانو په غــــــــم تـــــل دا فــــــــــــکرونه کوی