له دې پاک مقدس دینه مسلمانه څله ځغلې؟
ای کم بخته ای ظالمه له قرآنه څله ځغلې؟



(۱)زه دی وینم چی شرمېږې په لباس دمسلمان کی»
،داسلام له دې سپېځلی پاک عنوانه څله ځغلې؟



(۲)درقیب لباس دی خوښ دۍ که هرڅونه بدنماوی»
،په داهسی تېز رفتارله پاک سبحانه څله ځغلې؟



(۳)له ځانګویې په نازنازپه جارقربان باندی رالوی کړې»
،له داهسی مهربانه بابا جانه څله ځغلې؟



(۴)له اغيارسره په منډه جهنم لره وردرومې»
،دخوږوخوږويارانوله بوستانه څله ځغلې؟



(۵)چاجادودلیونتوب درباندي وکړدربدرسې»
،له خپل کلي خپله کوره خپل دالانه څله ځغلې؟



(۶)له اغیاره سره یاریې له هریارڅخه اغیارسوې »،
دزمریانواتلانوله میدانه څله ځغلې؟



(۷)هرفضول له بې ننګۍ دابوالفضل په شان بولې»
له خپل فضله خپل هنره بې وجدانه څله ځغلې؟