افغان اتلان · ادب او کلتور
پښتو شعرونه
د پښتو شاعرانو نړۍ ته ښه راغلاست
1825 شاعران12192 شعرونه
غزل
خلكه لاړمه په مينه كې په دار شوم
لكه خال په ښكلي مخ د ښكلي يار شوم
يم بې هوشه كله لوېږم كله پاڅم
نه پوهېږم چې روان په كومه لار شوم
چې په څه ګناه دې ډلې ډلې خلكو
ورول راباندې كاڼي او سنګسارشوم
بس يواځې يې د سپينې خولې لپاره
د جانان د سپينې سپينې غاړې هار شوم
هېوادپاله بس په يو نظر يې يوړې
چې په وروسته وروسته تللمه ګوزار شوم