زموږپه خلکواوبانډوبمونه مه اوروۍ
ددې هيوادپه پرګنوبمونه مه اوروۍ



يوڅه حيا ئې له زخمي زړه اوځيګره وکړۍ
دخوارماشوم په سترګوسروبمونه مه اوروۍ



ارام موپرېږدۍ چه اختر په خوشحاليو تېرکړو
نورموپه ختم اووادوبمونه مه اوروۍ



په سپومومه داړۍ تورسري دعفت بيبيانې
زموږپه ويښواوبېدوبمونه مه اوروۍ



که هلته دي که دلته دي خوزموږخلک رې مري
نورموپه خپلواوپردوبمونه مه اوروۍ



کونډې اورنډې معيوبين موله شمېرواوښتي
په دې بيوزلوپښتنوبمونه مه اوروۍ



شنې کروندې مولاسوځيږي دسره اورپه لمبو
په ورانوورانو کنډوالوبمونه مهاوروۍ



دوداودستورته درناوی زموږدخلکووکړۍ
زموږپه لوړوارزښتوبمونه مهاوروۍ



دلراوبرترمنځ دوينې شاه رګ مه پرې کوۍ
دلوړخيبرپه سردروبمونه مه اوروۍ



ديوويښتم قرن دحرص اودوحشت ليونو
دانسانيت په فرشتوبمونه مه اوروۍ



ټوټې ټوټې به شي ځيګراوماشوم زړه دروهين
بس ده دروه په لوړوغرو بمونه مه اوروۍ



جرمني-اوفن باخ 18.11.2010