ددې باروتو د لمبو په کلي
مینه کرمه د ایرو په کلي



ستا د بڼو په لار ګلونه شیندم
شیندم ګلونه د ازغو په کلي



پرېږده چې مینه وکړي ژوند وکوي
جنګ مه راوړﺉ د پښتنو په کلي



د وطن غیږ کې نفرتونه سېزم
عشقه راځه نور د جنګو په کلي



درنه یې وداړلم ویې خوړم
غیرت چې نه کړې د پلرو په کلي



درنه مې وژني او په تا مې وژني
پخپله خاوره د نیکو په کلي



ستړی ستومانه لالهنده دې کړم
جنګ جوړوې به نوترڅو په کلي



امریکا ، یوټا
۸-۱۲-۲۰۱۰ زیږدیز