هريوبوټي هرګيا کې خدايه ته يې
ددنيا په هراشياکې خدايه ته يې
دقدرت نښې دې ښکاري په مخلوق کې
هره دشته اوبيديا کې خدايه ته يې
داټول غرونه ولاړ تاته په تعظيم دي
پاس په عرش معلي کې خدايه ته يې
کائنات ست دخدايي څرګندويې کړي
توره شپه سپينه رڼاکې خدايه ته يې
لاس په نام درته ټول بوټي اواشجاردي
دذيروح په هره ساکې خدايه ته يې
شين طوطي اوبلبل هم ستاثناوايي
فرش دځمکې پاس هواکې خدايه ته يې
ددرياب هره څپه ستا ګواهي کړي
په هردهراودنيا کې خدايه ته يې
ددې ټول واړه مخلوق خالقه ربه
په وچ کاڼې اوصحراکې خدايه ته يې
واحديارستاله توصيف ځنې عاجزيم
خو زما هره وينا ې خدايه ته يې