راغلم پسرلی وږمې مې راوړلې
ځان سره دژوند کیسې مې راوړلې
بڼ به مزین غربه زرغون کړمه
پوی به لوی واړه زه په ژوندون کړمه
وبه سپړم بیا به غوټۍ ګل کړمه
زه به هرافغان په تندي ښکل کړمه
بیابه شپونکی ځي غره ته رمې سره
پوه به کړي شپیلۍ برې چینې سره
نجونې به ګلان پیکې کې وټومبي
هم به یې ځوانان پټکي کې وټومبي
ددنګ چناربه بیا پاڼې زرغونې کړم
سیل ته به روانې نازنینې کړم
ګودرکې به روانې اوبه سپینې کړم
ژوند به دوګړومینې مینې کړم



..... دردېد لی افغان .....
چیرته وې سپرلیه چیرته تللی وې ؟
نه پوهیږم ته کوم ځای کې غلی وې ؟
زمونږدردمن ملت کله لیدلای وې ؟
اوس چې له کلونوپس راغلی یې
ستړی مه شې ګرانه ته به ستړی یې
مونږته نااشنا اونالیدلای یې
دلته خزان تیرشومودې تیرې شوې
دډیروپسرلیوجنازې تیرې شوې
دلته څولسیزې شوې سپرلی نشته
غرګردوکې پټ ښکاري شپونکی نشته
هغه ښکلی بڼ چې تالیدلای وه
څومره ښایسته وه څومره ښکلی وه
اوس دګل تنه لمبووهلې ده
بڼ لمبووهلی دی چینه لمبووهلې ده
غرلمبووهلی دی دره لمبووهلې ده
کورلمبووهلی دی کوڅه لمبووهلې ده
زړه لمبووهلی دی سینه لمبووهلې ده
اوس غږدشپیلۍ چینې ته نه راځي
هغه مستې کوچۍ چینې ته نه راځي
اوس سپینه سپوږمۍ چینې ته نه راځي
پیغلې غرڅنۍ چینې ته نه راځي
کوترې بغدادۍ چینې ته نه راځي
ویرې نه هغوی چینې ته نه راځي



...... نوی پسرلی .... .
زه هم ناکردوبل خوابیولای وم
ستونزوکړاووبل خوابیولای وم
ستړی وم ستومان وم ستړی ستړی وم
ستاسوپه څیرزه هم دردیدلی وم
زه هم په وجود ږولوخوړلای وم
ټپي ومه ټپی وم ټپي شوی وم
خواوس په ډیرامید بیرته راغلی یم
ښکلی پسرلی یم نازولی یم
اوس راځۍ جوړه لاسونه ورکړومونږ
واړه افغان په دې خبرکړومونږ
دغه وران وطن کې ګلان کرکړومونږ
ټول هیواد خوشبوی اومعطرکړومونږ
خاورې دوطن لکه سره زرکړومونږ



................دردیدلی افغان ...............
خدای نه دې غواړوسږنی سپرلیه
چې خولې په خندااوغوړیدلې وي
زمونږدبڼ مړاوي تالا ګلونه
ستا دراتلو وږمووهلي وي
ازادي راوړې خپلواکې زاوړې
چې داپردۍ لښکرې تللي وي
افغانان یوبل ته په خپلوکې غړۍ ورکړي
جګړه پای ومومي لاسونه دورورۍ ورکړي
عاطفي زیری دحریت اوازادۍ ورکړي
زمونږملت ته نړیوال مبارکۍ ورکړي
مونږافغانان تاسره ګډ دګلوکروکړو
ستاراتله ولمانځوخوښي وکړواختروکړ
جوړه جوړه یاران سیلوته لاړشي
لوی اوواړه ځوانان بڼوته لاړشي
زمونږشپانه بیا دنګوغروته لاړشي
کتاردزاڼوسردروته لاړشي
زمونږکډوال بیرته کوروته لاړشي
نوبیا به مونږجوړه لاسونه درکړو
بدل دګلوکې به زړونه درکړو
کړي واحدیاردغه ارمان سپرلیه
غواړوودان افغانستان سپرلیه