که مي وليده يوو ځلي داشنا مخ
فراموش به هميشه کړم ددنيا مخ
هغه مخ چي لمر،سپوږمۍ ترينه شرميږي
برابرورسره نشي دهيچا مخ
زليخا که دمصري په مخ مين وه
زړونه يووړه ديثريب دپادشاه مخ
قافلې ئې ښکلي حسن ته اوښتي
مينان په صف ولاړ دي ديکتا مخ
توروشپوکي تجلا دروښنائي شوه
راڅرګند چي شوتيارو کي دسبا مخ
قيس بي څه په ليلا زړه نه ؤ بايللی
عشق که نه وائ مجنون څه کړدليلا مخ
عاشقانوته بس دومره اختر بس دی
نوميرجاراوصدقه شه ترزيبا مخ
٢٠١١،مارچ،٥٢
متحده ايالات ،کلونيا