نن يوه ارمــــان په مـــــخه کــــــــړى يم
بيادغم کــــــاروان په مخه کړى يـــــــم
ته رقيبــــه يونه يــې دې ټول جهـــــــان
زه په بيـــــابان په مـــــــخه کړى يـــــــــم
سترګې درنه باسم که لاس برى شـوم
خپل ځان ناتــوان په مخـــــــه کړى يم
بيابه کوم سپرلي تــه غاړه ورکړمــــه
خير که اوس خزان په مخــــه کړى يـم
غورځوي مې لوړ،ژوراوکور په کور
دومره لوى طوفان په مخه کړى يـــــم
جوړ شوترې سېلاب پکې غرقـــېږمه
اوښکـــــو دافغان په مخــــه کــــړى يم
ورځ شـــــوه رانه ورکه رڼانشتــــــــه ده
داسې تور ماښام په مــــخه کـــــړى يم
نوروله وصال ځنې خواند واخســــته
زه روشن هجران په مــــــخه کړى يــــم